نصيحة لكل بنت حبيبها عاوز يخلع منها

النصايح دي عشان البنات تعرف ترد علي حيل الشباب

نبدأ بقى .. أهو كله بثوابه !!




[ 1 ]

ماما شايفالي عروسة و بتغصبها عليّا .. كوتوموتو يا بطة
الرد : تعالى لحمو يا حبيبى ويا تري هييجوا يخطبوك امتي ؟؟





[ 2]

أنا لسه طالب باخد مصروفي – ياختي صغنن
الرد : طب بتتنيل ليه تتكلم في ارتباط منتاش قده يا كُتكُوت ؟





[ 3 ]

أهلي بايعني و مش هيساعدوني – غلباااااااان أوى
الرد : و النبي صعبت عليّا





[4 ]

ما حلتيش اللضّا أتقدملك ازاى - يا حينى
الرد : مش لازم يا حياتى .. فيه اللي أحسن منك





[5 ]

مش لاقى شغل.. أبوكي هيرفضنى - مسكيييين
الرد : لما تلاقى يا صغنن ابقى دوّر عليّا





[ 6 ]

هسافر أكوّن نفسي و لما أرجع أتقدملك – أهى دقني لو رجع

الرد : وده مع أنهو مشمش يطلع ؟





[ 7 ]

الجواز بيقتل الحب خلينا كده - عنده إستبحس
الرد : حبّك بُرص





[ 8 ]

مستوايا أقل منك - لسه صاحى م النوم
الرد : و بتكتشف ده دلوقتى و حياة مامى ؟؟





[ 9 ]

خايف مقدرش أسعدك .. خايف أظلمك معايا – واحد مستهبل أوى
الرد : قول كلام غير ده أصله بطل من زمان





[10]

كنت فاكر ان شعورى تجاهك حب – عايز الحرق يا مين يناولنى ولاعة
الرد : اه كنت فاكر انه بطيخة طلعت لمونة

وياترى عرفتها لوحدك و لا بمساعدة واحدة ؟؟





[11]

أفكارنا و دماغنا مش واحدة - قال يعنى مثقف
الرد : ده اذا كان لك دماغ أصلاً





[12]

المشاكل بينّا كتير مش هننفع مع بعض - مكتشف الذرة

الرد : غريبة مع انك أكتر مخلوق بيحب النكد





[13]

خلينا أصحاب أحسن – واحد مش لاقى حجة
الرد : متجيش على نفسك أوى كده اطمن معدتش أحب اعرف قرود




[14]

أنا طلعت مريض مكنتش أعرف – حجة مفقوسة أوى


الرد : ايه مريض ؟؟ ياخبر لازم أطمن عليك ياللا ع المستشفى




[15]


فرق السن بينّا يا خسارة – واحد عنده مشكلة ف الحساب أو فى عقله


الرد : لهو انت لسه حاسبه دلوقتى ؟؟ انت استغفر الله يا استغفر الله ؟؟





[16]

ربنا رايد فراقنا لازم نتقبل القدر – شارب حاجة أصفرة

الرد : يا أخى قدر لما ياخدك





[17]

مش عارف حاسس اني مستاهلكيش – موهوب جداً
الرد : شاطر بجد عارف قيمة نفسك





[18]

أنا مغلوب على أمرى ورايا جيش – ده على أساس انه راجل

الرد : وجعت قلبى يا أخى ! طب اخطبنى الأول يا فالح





[19]

طباعك وحشة مش مناسبانى )– قليل الذوق
الرد : رضينا بالهم و الهم مش راضى بينا





[20]

أنا نويت اعتكف طول حياتى – و حياة سوسو
الرد : و ماله يا حبيبى نتجوز و نعتكف مع بعض





[21]

كلام الناس أقوى منّا - شكله هيغنى و يلِّم الدبّـان
الرد : كلام الناس لا بيقدم و لا يأخر

اسمع جورج وسوف يا حبيبى و انت تغير رأيك





[22]

لازم الأول أحضر دراسات عليا عشان أبنى مستقبلى - اذا ليه مستقبل
الرد : ماشى موافقة نتجوز الأول و احضرهالك كمان لو عايز




[23]

لازم أستنى أخويا الكبير يرتبط الأول )– شكله مالوش أخ أصلاً

الرد : و ماله أنا أركب دقن أقصد أركب باروكة و اروح أخطبه





[24]

أنا مكتئب مش عايز أكلم حد ولا حد يكلمنى )– ينفع كومبارس عظيم

الرد : ياسلاااااام ! يعني مابتاكلش ؟ مابتشربش؟ مابتخرجش؟ مابتنطقش؟ هتعملهم عليّا




[25]

حاسس اننا مش لايقين على بعض - جاب التايهة
الرد : فعلاً يا ميدو ايش جاب لجاب





[26]

مش هنقدر نكمل رغم انى عمرى ما هحب غيرك - ممثل رائع
الرد : ياااا ده انت و لا أروع ممثل ! و ياترى جبتها من أنهو فيلم ؟؟




[27]

استنينى عشرة خمستاشر سنة أكوّن نفسى )
- مستهبل رسمى

الرد : اه و ماله هبقى أستناك أنا و عيالى




[28]

بحبكم انتو الاتنين أعمل ايه؟ ااخد مين؟ – متخلف عقلياً

الرد : يشفى الحمير و يضرك ! خدك عزرائيل




[29]

انكسر جوانا شئ عمره ما يتصلح – وديه الميكانيكى

الرد : فعلاً كسرت فيا حاجات كتير بس قادرة ألزقها




[30]

خلع من غير ولا كلمة - عديم الأصل و واطى أوى
الرد : مفيش- ياللا و لا يهمك الباب يفوت جمل مش صراصير بس


ونصيحة لكل شاب يحاول يعمل كدا مع حببته
حاول تغطى نفسك قدام نفسك قدام الناس و قدام ربنا .. و ياريت لو يكون الغطا مش مخرم أو مبقع !! و غطينى وصوتي ياما

طب لية كدا بس يا تغريد مش كل الشباب كدا

وكمان انتى برج الحمل يعنى بيقولوا عليهم طيبين

هههههههههههههههه ماشى يا شريرة

ماشى يا طيب ميرسى على المرور