حد فاهم حاجة

موضوع: حد فاهم حاجة الثلاثاء يوليو 05, 2011 3:16 am

وضاعت الفاصوليا فى وسط حله صلصه
جه الغراب وبص عليها بصه
قال اشوفها استوت كده ولا لسه
وقام واخدله منها مصه
شافته البت ام قصه
راح مخترع لها قصه
وقالها تسمحيلي بالرقصه !!
قالت رقصه ايه يا منيل
طب اصبر لما الليل يليل
دخلت الست الكبيره
صرخت ف وشه " يالا ع الحظيره "
وانتى يا هانم ليلتك سوده
زعلت البت وطلعت ع الأوده
شافت ع السرير دوده
وهيا اساسا مهدوده
حطت ع الارض بطانيه وراحت مخموده
وجالها الواد حوده
طبعا جه فى المنام
وفضل يقول كلام وكلام
يحكى حكايات ويعد ف ارقام
ماتعرفش الحقيقة من الأوهام
وياترى هيا انسه ولا مدام
والحاجه ام محمود جالها زكام
ومش معاها مناديل
ديك النهار قرصها قنديل
كانوا بيصيفوا اصلهم فى البحر
وحاجزين شاليه ع البحر
مفيش مترين ..
الله امال شحته فين ؟؟
شحته راح البلد
اصل سنيه مراته جابت ولد
عقبال عندك
وسمتوه ايه ؟؟
على اسم جدك
بالمناسبه صحيح .. جدو مجاش ليه
بيقول ان البحر غدار
وكمان هو لسه بايع الحمار
اصل فوزيه بنته .. ربنا يخليها
عيد ميلادها قرب ولازم يجيب حاجه ليها
فوزيه دى كانت بتحب واحد .. خريج صنايع
ابوها رفضه وقال ده شاب ضايع
قاله يا عمى ( يفتح الله ) ما بين الشارى والبايع
واهى بنتك جمبك اشبع بيها
الجواز ده يعنى قسمه ونصيب
وجون الأهلى الأخير ده جون عجيب
كان زى طبق مهلبيه فوقيها شويه زبيب
وحبيب الملايين مش عارف ايه كده أديب
طالع يسب الدين
يا خى انت مين ؟؟
ماتخليك فى نفسك وفى دينك
يحرق تلاتينك
الحاجه ام ساميه بقا .. كانت فرحانه
بقالها شهرين مستنيه ..
وانهارده بس جتلها الوليه
وقالتلها يا حجه يا حجه الحقى
ساميه انهارده ما حرقتش الباميه
واعتقد ان ألفين واتناشر
مش هتفرق كتير عن ألفين وحداشر
إلا ف حاجه واحده
ايه هيا الحاجه الواحده !!
ان شباب خمسه وعشرين يناير
ماتوا فى احداث يناير
ف أكيد مش هيكونوا معانا فى شهر فبراير
مافاضلش ف البلد غير شويه بلطجيه
وسهير خرجت تقابل بهيه
معادهم كان سته راحت سته وخمسه
و
وضاعت الفاصوليا فى وسط حله صلصله

هههههه لاوالله حلوة الكلام فيه قافية

شكرا ع الموضوع

» حاجة بيض بيض بيض
» اغانى جامدة اخر حاجة
» شوية لبس كاجول شبابى اخر حاجة
» عايز ترحيب جامد اخر حاجة
» اغنية غمازات لدياب اخر حاجة