**** خواطر واحد حرااااااااااان ****

لجو حر ... لا مش حر ... ده نار جهنم .... مش أي حر ... السقعة كانت من كام يوم ...رعود و برق ... شمال و شرق ...السقعة كانت ... و مش هتدوم ... و الحال في يوم ... بيفرق فرق .....الجو نار ... و نار جهنم ايش هتكون ؟ يارب داحنا مش قد حرق ...بركان في لحظة .. اوروبا غيام ..سحابة سودا تطول الكل ...يا رب داحنا لسانا طويل .. متفرعنين . و غرورنا يعل و برحمتك تدينا انذار يمكن نفوق و ذنوبنا تقل

الجو حر .... حرارة 50 ... و محدش فينا طايق حد ....و الظلم فينا يفوق الحد ... و ناس بتبني و ناس بتهد ...أحوال في جذر ف ثانية ف مد.... و احنا ف امان عايشين في امان ....و ف لحظة ممكن تقلب جد ...اياك تقولي يا واد يا شريف ... شغل تكييف ...موضوعنا مش موضوع تكييف هشغله و امدد و ارتاح ...موضوعنا لفتة لحكم الله ...موضوعنا نظرة لقدر الله ....موضوعنا فكرة موت و حياة

مش كل حر ... علاجه تكييف ...في حر أزلي ... مش حر صيف..... نعمل حسابه ولا نعيش ... بطيخة حمرا ف بطننا ؟ ...و ضحكة صفرا ف بقنا ؟ و زرعة خضرا في أرضنا ؟ .... و بنت حلوة جنبنا ؟ و دنيا لاحسة ف مخنا ؟
و شيطان بيجري في دمنا ؟ و ذنوب بتهري في كبدنا ؟ ما تقولش سهلة ... اشتري تكييف ...و اسكت شوية يا واد يا شريف بالقسط هات لك منه اتنين ...هرد اقولك .. موافقك ماشي ... هجيبلي اتنين

بس ابقي قولي يا واد يا حسين ...تكييف الآخره أجيبه بكام ؟
طب حتي أقولي .. ده ييجي منين ؟