كيكه سهله و جميله اوى و مش بتاخد وقت خالص تعالى شوفى

النهارده جايبه طريقه سهله خالص للكيك يارب تعجبكوا و تجربوها
المقادير
2 و نصف كوب دقيق
اكوب سكر
اكوب لبن
ثلاث اربع كوب سمن
علبة زبادى صغيره
كيس فانيليا
كيس بيكنج بودر
زبيب او فواكه مجففه لو فى
من 3 الى 5 بيضات حسب الموجود
[size=21]الطريقه
[size=16]انا عن نفسى بخلط المقادير فى الخلاط
نحط البيض مع الفانيليا و نضربهم فى الخلاط حوالى 5 دقايق و بعدها نضيف اللبن و السكر و نستمر فى الخلط و بعدين نحط السمن اى نوع و انا بستخدم (( روابى )) حلوه و نستمر فى الخلط مثلا 10 دقائق ـــــ 000 فى ناس بتضيف بشر برتقال بيدى نكهه حلوه للكيك 000 اثناء الخلط فى الخلاط ــ ما علينا ـــ نصب الخليط ده فى طبق عميق و نبتدى نضيف الدقيق المنخول كوب ورا كوب لحد ما نخلص كمية الدقيق اللى عندنا و ننخل مع الدقيق كيس البيكنج بودر ـــــــــــــ و بعدين نقلب بخفه عشان الهوا يدخل الكيك و يخليها تنفش معانا و نضيف الزبديه و نقلب برضه ــــ التقليب بيكون على شكل نصف دائره و نقطعها بالملعقه و هكذا يعنى مش تقليب على هيئة دائره كامله (( مش عارفه فاهمين النقطه دى والا لا؟؟ )) المهم ــــ ندهن صينيه متوسطة الحجم سمن الاول و بعدها دقيق حتى يغطيها ولو صينيه تيفال يكون احسن برضه ولو ان حتى التيفال بدهنها برضه و نصب فيها الخليط ده و نرش زبيب على الوجه هو بعد ما تستوى هيدخل جوه الكيك من نفسه و بيكون الفرن مسخن قبلها بحوالى ربع ساعه على درجة 180 درجه تدخل الفرن من نص ساعه الى 45 دقيقه و ملحوظه هامه [size=21]اوعى اوعى اوعى [size=16]تفتحى الفرن قبل مرور 20 دقيقه على الاقل عشان الكيك يعلى معاكى و يستوى مظبوط ـــــ عشان تعرفى هى استوت والا لا تغرزى سكين فى قلب الصينيه ولو طلعت نضيفه من غير عجين تبقى استوت ولو لسه بتطلع بشوية عجين تبقى محتاجه تستوى شويه كمان ـــــ بعد ما تخرج من الفرن نستنى تبرد شويه و بعدين نقطعها و ممكن تجمليها بكريم شانتيه لو عايزه او صوص شوكولا او من غير اى حاجه خالص هى بتطلع جميله اوى بجد .
ان شاء الله تعجبكوا [/size][/size][/size][/size]