الشعب ساكت ليه

مالك يا شعب
ياشعب مالك ساكت ليــــــه ***ولا حد حتـــى اشتــــكـــى
لا سمعنا صوت بيقـول الآه *** ولا لأة ، ولا صوت بكى
امتى هايجي اليوم ونفـــوق *** نرتـــاح من الدربكـــــــة
كفيانـا ظلـم كفايــة طوارئ *** بكفايــــة بقــى عكعــكـــة
رشوة ووسايط ناس بتموت *** ناس عايشة فى الهمبكـــة
ولا حد فيكو اشتكى

واحد معــــاه خمسيــن مليار*** مليــون ماعـــوش اللّضة
خايفيــــن لاحد يروح النــار*** عايشيــن وقايليــن رضا
وان ثرنا مرة فيـوم بتجيلنــا *** الشُرطـــــــة زى القضا
مازهقنا ضرب وكــوى بنـار*** وورمنا م العضعضــــة
اصحوا وفوقوا دا بكرة نهـار*** وانسـوا الّى عـدا ومضا
انسوا الّى عدا ومضا

ماتفوق ياشعب كرامتك فين؟!*** سايبهـــــا ليه بتضيـــع
وخير بلدنا وتراث جــدودك *** فــإدين كــلاب مفاجيــع
ماليين كروشهم بقوت عيالنا *** وقال ايه من المشاريــع
مشاريع تجارة مفهاش خسارة*** فيها ناس كتيـــر للبيـع
لحساب كلاب جرابيع

باعــوك ياشعـــب مصـــر *** وانت الغـالى زيّـــك ميـن
جبتلنا سعد وأحمد عرابــى *** شعــراوى طـــه حسيـــن
وجمال ناصرنا رافع رايتنا ***رادد حقـــــوق مــلاييـــن
ولسة عندك القُـــدرة تنتــج *** وتجيب في ناس تانييـــن
يحموك من الخاينيــن
يا شعب زيّك مين

صاحب الشعر*مصطفى الشرقاويى المحامى

الله الله يايويو

شكرا لك ولصاحب القصيدة

منور ياعمو احمد &سوسو

» صور للشعب المصرى "مع الشعب المصرى مش هتقدر تغمض عنيك"