الاسطورة الكروية .......حازم محمد الحرية امام نجم القلعه البيضاء

الاسطورة الكروية .......حازم محمد الحرية امام نجم القلعه البيضاء 6fbc17a6f5

كلمة بسيطة فى حب حازم إمام

:: حازم إمام (نجم فوق كل النجوم ) ::

" الأسطورة " الذي نقش إسمه بأحرف من ذهب

:: تاريخ طويل ملئ بالإنجازات ::

هنتكلم النهاردة ياجماعة عن إسطورة كرة القدم المصرية .. عن اللاعب المحترم , الهادئ , الرزين , القائد

.. هنتكلم عن روح نادى الزمالك .. هنتكلم عن معشوق الجماهير .. هنتكلم عن أكبر عاشقي الزمالك ..

هنتكلم عن باجيو النيل .. هنتكلم عن الثعلب .. ثعلب كرة القدم المصرية والأفريقية والعالمية .. هنتكلم عن حازم إمام ..

حازم إمام لاعب خلوق لاعب نضيف , لاعب محبوب لأخلاقه ومبادءه

لاعب بيلعب الكورة عشان الكورة ..

ياما حسستنا بالفرحة .. كنا بنستنى من الماتش للتانى عشان نتفرج عليك وإنت بتلعب بس

الله على دى أيام ياحازم .. الله على المتعة اللى إحنا اتمتعناها وإحنا بنشوفك وإنت بتغازل مشعوقتك كرة القدم ..

تاريخ طويل من المبادئ .. إنت اللى عرفتنا يعنى ايه لاعب خلوق .. إنت اللى عرفتنا يعنى إيه لاعب مهارى ..

مين يقدر ينسي أهدافك ومهاراتك ..

مين يقدر ينسي أغامشكووووووووور الحلوة اللى كنا حاسين إننا بنسمعها وإنت بتلحن أجمل ألحان بأقدامك الذهبية على معشوقتك الكورة

ياما بكيتنا من الفرحة .. وياما طلعت أبتسامتنا من وسط دموعنا

وجودك فى عالمنا الكبير " الزمالك " كان بيحسسنا بالأمان وبيدينا أمل دائم إن بكرة هيكون أفضل ..

ياريت ياحازم نقدر نوفيك جزء صغير من حقك .. مافيش كلام يسعفنى عشان أقدر أعبر عن كم الحب اللى ليك فى قلبي ..

تعرف ياحازم .. أنا مهما عشت عمرى ما هحب أتفرج على لاعب كورة زى ما حبيت أتفرج على كورتك
.. إنت لاعب لست كأى لاعب .. فات علينا نجوم كتير .. ومهاريين كتير .. لكن إنت حاجة تانية .. إنت
بتلعب كورة عشان تمتع الناس وتحسسهم يعنى إيه حب ..

الناس كلها عندها إنتماء .. لكن إنت عملتنا يعنى إيه حب للزمالك .. بفضلك إنت خليت الناس كلها تحب الزمالك .. الموضوع ماعدش إنتماء ياحازم .. بسببك بقينا بنحب الزمالك ..

مين ينسي لمساتك السحرية .. الله عليك ياحازم ..

كتير نيمتنا مبسوطين .. وكتير نمنا دمعتنا على خدنا عشان مش شوفناك فى ماتش للزمالك .. ياما حسينا بالفرحة لوجودك فى الملعب .. ياما حسينا بالحزن لقعدتك على الدكة ..

أجبرت الجميع على إحترامك .. مافيش لاعب إتجمعت عليه مصر كلها غيرك إنت .. مافيش حد قالوا عليه
فاكهة الكورة المصري غيرك إنت .. ماحدش يقدر يقاسمك فى ألقابك ياكابتن ..

شيلناك هم الزمالك كتير .. وماحسناش بقيمتك إلا لما فقدناك من الفريق ..

نفسي أشوف ضحكتك فى الملعب تانى ياكابتن .. نفسي أشوفك بتجرى على النجيلة تحت إسم الزمالك تانى ياكابتن .. نفسي أشوف مهاراتك تانى ..

بكتنا كتير من الفرحة ياكابتن ..

ودلوقتى جه علينا الدور نبكى حزناً على فراقك ..

ومهما جابت مصر لاعيبة كورة .. مافيش حد هيحتل ولا نص مكانتك ..

إنت فوق عند النجوم ..

الناس تشوفك لكن ماتقدرش توصلك ..

إنت نجم ذهبي فى تاريخ الكورة ياحازم ..

نجم ذهبي تشرفت إن انا اكون من محبيه ..

ستبقي فى القلب دائماً ..

ستبقي متألقاً فوق كل النجوم ..

ستبقي معشوق الجماهير ..

ومن غير يحتل هذه المكانة ..

أنت النجم الأعلى فى سماء كرة القدم ..

أنك رمز عالمنا الكبير نادى الزمالك ..

وستبقي ولن يبقي غيرك فى عقولنا وقلوبنا ..

ومافيش حد خد مكانتك فى قلوبنا ..

ولا فى المستقبل حد هيقدر يآخد ولا نص مكانتك ..

إنت مثل لينا جميعاً ..

وعايش فى قلوبنا .. ومش هننساك ياحازم ..

أنا حاسس إنى مهما قلت مش هقدر أوفيك حقك ياحازم ..

بس عزاءي الوحيد إن قلت اللى فى قلبي من ناحيتك ..

اللاعيبة العاديين بيروحوا وييجوا ياكابتن ياما ناس مشيت وماحدش إفتكر إسمها

:: لكن النجوم اللى زيك تبقي متألقة فى سماء الساحرة المستديرة ::
:: ستبقــــــــــي فــــــــى القــــــــلب دائـــــــــــــــماً يا أسطـــــــــــــــــــــورة الكرة ::

مهما نتكلم عليك مش هنديك حقك ايها الثعلب الصغير

توبيك ومجهود رائع

شكرااا يا شاعر :lol!:

» هل يخسر المنتخب المصرى فرحته امام ايطاليا والبرازيل امام اميريكا حسب (((رأى الاعب أبوتريكه)))
» ربعيات الاسطورة صلاح جاهين
» إبراهيم سعيد: مستعد للاعتذار للمسؤولين والجماهير والتوقيع «على بياض» لارتداء الفانلة البيضاء
» خاص.. حازم يوافق على التجديد للزمالك.. والضرائب تؤجل موافقة الميرغني
» مخاطر الجلوس الطويل امام الكمبيوتر؟